ರುತು” ಹಾರರ್ ವೆಬ್ ಸಿರೀಸ್ ಪ್ರಥಮ ಭಾಗ ಬಿಡುಗಡೆ: ಶಾಸಕ ಡಾ. ಎನ್. ಟಿ. ಶ್ರೀನಿವಾಸ್ ಶುಭ ಹಾರೈಕೆ
ಕೂಡ್ಲಿಗಿ: ತಾಲೂಕಿನ ಯುವ ಪ್ರತಿಭೆಗಳ ಪ್ರತಿಭಾವಂತ ಪ್ರಯತ್ನದಲ್ಲಿ ಮೂಡಿಬಂದಿರುವ “ರುತು” ಹಾರರ್ ವೆಬ್ ಸಿರೀಸ್‌ನ ಮೊದಲ ಎಪಿಸೋಡ್ ಅನ್ನು ಮಾನ್ಯ ಕೂಡ್ಲಿಗಿ ವಿಧಾನಸಭಾ ಕ್ಷೇತ್ರದ ಜನಪ್ರಿಯ ಶಾಸಕರಾದ ಡಾ. ಎನ್. ಟಿ. ಶ್ರೀನಿವಾಸ್ ಅವರು ಅಧಿಕೃತವಾಗಿ ಬಿಡುಗಡೆ ಮಾಡಿ, ಚಿತ್ರತಂಡಕ್ಕೆ ಶುಭಾಶಯ ಕೋರಿದರು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಶಾಸಕರು, “ನಮ್ಮ ತಾಲೂಕಿನ ಯುವಕ ರಾಜ್ ಉತ್ತಮ್ ಎ. ಟಿ. ಹುಡೇಂ ಅವರು ಈ ವೆಬ್ ಸಿರೀಸ್ ಮೂಲಕ ನಿರ್ದೇಶಕರಾಗಿ ಹೊರಹೊಮ್ಮಿರುವುದು ನಮ್ಮ ಇಡೀ ತಾಲೂಕಿಗೆ ಹೆಮ್ಮೆ ಮತ್ತು ಸಂತಸ ತಂದಿರುವ ವಿಷಯವಾಗಿದೆ. ಈ ಸಿರೀಸ್‌ಗೆ ಶ್ರಮಿಸಿದ ನಿರ್ದೇಶಕ ರಾಜ್ ಉತ್ತಮ್, ನಟ ಹಾಗೂ ನಿರ್ಮಾಪಕರಾದ ಡಾ. ಜಿ.ಎಸ್. ಹೂಗಾರ್ ಮತ್ತು ಇಡೀ ತಂಡಕ್ಕೆ ಅಭಿನಂದನೆಗಳು” ಎಂದು
ಮುಂದುವರಿದು ಮಾತನಾಡುತ್ತಾ, “ಈ ‘ರುತು’ ಹಾರರ್ ವೆಬ್ ಸಿರೀಸ್ ಅಪಾರ ಜನಪ್ರಿಯತೆ ಗಳಿಸಿ, ಯಶಸ್ಸಿನ ಸಖತ್ ಸದ್ದು ಮಾಡಲಿ. ಸಾರ್ವಜನಿಕರು ಹಾಗೂ ಪ್ರೇಕ್ಷಕರು ಈ ಯುವ ಪ್ರತಿಭೆಗಳನ್ನು ನೋಡಿ, ಬೆಂಬಲಿಸಿ ಆಶೀರ್ವದಿಸಬೇಕು. ಈ ಮೂಲಕ ಈ ತಂಡವು ಇನ್ನೂ ಉನ್ನತ ಎತ್ತರಕ್ಕೆ ಬೆಳೆದು, ಮುಂಬರುವ ದಿನಗಳಲ್ಲಿ ಇನ್ನಷ್ಟು ಉತ್ತಮ ಸಿನಿಮಾಗಳು ಹಾಗೂ ಸಿರೀಸ್‌ಗಳನ್ನು ನಿರ್ಮಿಸುವಂತಾಗಲಿ” ಎಂದು ಹಾರೈಸಿದರು.
ಈ ಶುಭ ಸಂದರ್ಭದಲ್ಲಿ ಪ್ರಮುಖರಾದ ಮಂಜುನಾಥ್ ಮಾಳೆಹಳ್ಳಿ ಸೇರಿದಂತೆ ಸ್ಥಳೀಯ ಮುಖಂಡರು, ಚಿತ್ರತಂಡದ ಸದಸ್ಯರು ಹಾಗೂ ಅಪಾರ ಬೆಂಬಲಿಗರು ಉಪಸ್ಥಿತರಿದ್ದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.
ವರದಿ: ಅನಿಲ್ ಕುಮಾರ್ ಹುಲಿಕುಂಟೆ.
ಸುದ್ದಿ ಹಾಗೂ ಜಾಹಿರಾತಿಗಾಗಿ ಸಂಪರ್ಕಿಸಿ :-9972422030
